Croeso i Dudalen Wybodaeth Gipsy Moth IV Chwaraeon Dŵr Gogledd Cymru

Mae Chwaraeon Dŵr Gogledd Cymru wedi sicrhau lle i bedwar person, tri o bobl ifanc ynghyd ag un cynorthwyydd, ar un o’r cymalau sydd i gael eu cwblhau gan y Gipsy Moth, cwch hwylio Syr Francis Chichester sy’n enwog am hwylio o amgylch y byd, wrth iddo herio moroedd y byd unwaith eto gyda mordaith dwy flynedd o hyd ar draws moroedd a phorthladdoedd ym mhellteroedd byd. Pwrpas y cynllun hwn yw cyflwyno pobl ifanc i fenter hwylio a diwylliannau newydd, i’w dysgu i ddibynnu ar waith tîm ac i ddangos iddynt sut brofiad yw byw mewn cwch bach sydd ar drugaredd y môr.

Er mwyn llenwi’r llefydd sydd ar gael, mae ChDGC wedi creu cystadleuaeth i ysgolion a cholegau, i ddewis, ar sail eu gallu, tri pherson ifanc rhwng 16 a 18 oed sy’n barod i weithio’n galed am bum mis i ddysgu pob math o sgiliau Chwaraeon Dŵr. Trwy ddilyn y broses ddethol a amlinellir yn y ddogfen isod, gallant fod yn cystadlu fel cynrychiolwyr eu hysgol yn erbyn ysgolion eraill mewn digwyddiad terfynol a gynhelir ar Lyn Padarn, (i’w gadarnhau), Llanberis ym mis Mai 2006.

Bydd y digwyddiad hwn yn llawer o hwyl ynddo’i hun, a bydd yn gyfle i ddefnyddio’r sgiliau a ddysgwyd dros y pum mis blaenorol, wrth i’r cystadleuwyr gyfeiriadu o amgylch y llyn, gan ymgymryd â thasgau sy’n gysylltiedig â Chwaraeon Dŵr ar y ffordd. Bydd y sawl sy’n cwblhau’r cwrs yn yr amser cyflymaf yn ennill mordaith i’w chofio gyda threfnwyr Prosiect Gipsy Moth gyda’u holl gostau wedi’u talu ar eu rhan.

Am ragor o fanylion ewch i www.gipsymoth.org

Dyma restr o ddeunydd sy’n ymwneud â’n cystadleuaeth Gipsy Moth IV a gynhelir rhwng Tachwedd 2005 a 7 Mai 2006 y gallwch ei lawrlwytho:

Taflen i hysbysebu’r digwyddiad yn eich ysgol.

Map o’r fordaith y bydd y Gipsy Moth IV yn ymgymryd â hi.

Manylion sut yr ydym yn bwriadu trefnu’r gystadleuaeth.

Rhestr o’r gofynion sylfaenol a ddisgwylir gan y timau cyn y diwrnod dethol.

Rhestr o Gwestiynau Cyffredin.

Ceir dolen cyn hir at y darparwyr hyfforddiant sy’n gweithio gyda ni i hyfforddi’r cystadleuwyr i’w galluogi i gyrraedd y safonau sylfaenol.

Y cam nesaf